23 маусым — еліміздегі қоғамдық қауіпсіздік пен тәртіпті сақтап, қылмыс пен құқықбұзушылықпен күрескер болып отырған Қазақстан полициясының кәсіби мерекесі. Түркістандық полицейлер төл мерекесін “Фараб” кітапханасында салтанатты түрде атап өтті.
Қауіпсіздік – адамның жетекші қажеттіліктерінің бірі. Қауіпсіздік сезімінсіз адамның толыққанды өмір сүруі және оның жеке басының дамуы мүмкін емес. Полиция, ТЖМ, медициналық және басқа да түрлі мемлекеттік мекемелер азаматтардың қоғамдағы осы қажеттіліктерін жабады.
Алайда қоғамдағы қауіпсіздікті қамтамасыз ету мәселелеріне қоғамның әрбір мүшесінің рухани мәдениетінің деңгейі әсер ететінін атап өткен жөн. Мұнда құқықтық мәдениет – оның құрамдас бөліктерінің бірі, ол мәдени және құқықтық тәрбие мен оқыту жүйесінің әсерінен қалыптасады.
Соңғы жылдары бүкіл әлемде қоғамдық қауіпсіздік саласындағы оқиғалар жиілеп кетті. Тиісінше, нақты уақыт режимінде жұмыс істейтін сенімді және қорғалған құқық қорғау желілері маңызды рөл атқарады. Осы себепті, күрделі оқиғалар жағдайында әртүрлі елдер құқық қорғау желілеріне жоғары талаптар қояды. Кең жолақты байланыс және деректер алмасу өзекті тенденцияға айналуда.
Тәртіп сақшыларының қызметіне қарап билік туралы жалпы көзқарас қалыптасатындықтан қазіргі күні ел полициясы сервистік модельге көшіп жатыр. Оның негізгі қағидалары – заңдылық, жан-жақтылық, әдептілік, ашықтық және жеделдік. Бұл модель талаптарын іске асыру Ішкі істер министрлігі дайындап жатқан Қоғаммен бірге қауіпсіздікті қамтамасыз ету тұжырымдамасында көзделіп отыр.
Салтанатты жиында қала әкімі Нұрбол Тұрашбеков, қала прокуроры Каукен Нәрікбаев, қалалық мәслихат төрағасы Ғаппар Сәрсенбаев полицейлерді кәсіби мерекесімен құттықтап, алдағы қызметтеріне сәттілік тіледі.
Полиция басқармасының бастығы Бауыржан Дәулетханұлы антқа адал, уәдеге берік әріптестерін мерекемен құттықтады. Сонымен қатар, бірқатар тәртіп сақшылары мен ардагер полицейлерге алғыс хат табысталып, құрмет көрсетілді.
Мерекелік шара соңы концерттік бағдарламаға ұласты.
