Республикалық «Халық заңгері» акциясын Шымкентте 30 мамыр күні ұйымдастыру жоспарланып отыр. Акцияның мақсаты – халықтың құқықтық сауаттылығын арттырып, заң тұрғысынан көмек көрсету. Шара барысында кез-келген азамат еліміздің заң қоғамдастығындағы ең үздік мамандардан тегін консультация ала алады. Олардың арасында белгілі құқық қорғаушылар, нотариус, прокурор, тергеуші, сот орындаушылары және мемлекеттік органдардың басшылары бар.
Акцияның мақсаты – халықтың құқықтық сауаттылығын арттыру және тегін заң көмегін көрсету. Кез келген азамат еліміздің заң қоғамдастығындағы ең үздік өкілдерден тегін қажетті консультация ала алады. Олардың арасында белгілі адвокаттар, нотариустар, прокурорлар, тергеушілер, сот орындаушылары, мемлекеттік органдардың өкілдері және басқалары бар.
Заң үстемдігін нығайту мақсатында қазір «Халық үніне құлақ асатын мемлекет» тұжырымдамасының қағидаттарын енгізу арқылы «Әділетті Қазақстан» құру мәселесі күн тәртібіне шығып отыр.
«Халық үніне құлақ асатын мемлекет», «Әділетті Қазақстан» – бұл әуелі халықтың заңды құқығы мен азаматтық қоғам қағидаттарына сай экономикалық, әлеуметтік, саяси құқықтарының қорғалуын қамтамасыз ететін мемлекеттік ұстаным. Заңды білу тек құқық қорғау органдары мен заңгерлерге ғана міндет емес. Заңды білу және заң талаптарын орындау, алдымен халықтың құқықтық сауаты мен құқықтық мәдениетін қалыптастыру арқылы жүзеге асады. Яғни, құқықтық мемлекет құру, заң үстемдігін орнату процесінде құқықтық тәрбие мәселелерінің маңызы жоғары.
Жеке адамның құқықтық мәдениеті мен құқықтық санасын қалыптастыру, тұрғындарға заң тұрғысында тегін кеңес беру мақсатында 2016 жылдан бері республикамыздың барлық өңірінде «Халық заңгері» республикалық акциясы ұйымдастырылып келеді.
Жалпы ҚР Үкіметінің қолдауымен өтетін акцияға 2016-2023 жылдар аралығында 8 мыңнан астам үздік сарапшы және мемлекеттік органдардың шешім қабылдай алатын құзыретке ие өкілдері қатысқан. Бұл мамандардан 165 мыңнан астам азамат тегін кеңес алды.
Күні: 30 мамыр, сағат 16:00
Өтетін орны: Шымкент қаласы, Арбат (Бейбітшілік көшесі 4-6)
Шымкент қаласы әкімінің баспасөз қызметі
