Жеңіс күні – сан мыңдаған ұрпақ үшін ортақ мереке. Бұл мереке – бейбітшілік пен қайырымдылықтың мәңгі жасампаздығын, Отанын қорғаған жауынгер-солдаттар мен офицерлердің айбыны, тылдағы Жеңісті жақындатқан жұмысшылардың ерлік еңбектерінің мәңгі өшпейтіндігін дәлелдейтін белгі болып қалмақ.
«AMANAT» партиясының Атқарушы хатшысы Жанар Бектаева, Әл-Фараби аудандық филиалының Атқарушы хатшысы Ердаулет Жүнісбек және қалалық Жастар рухы жастар қанатының төрағасы Бекзат Төлебай соғыс ардагері Мосунова Нина Егоровнаны ұлы мереке қарсаңында арнайы шаңырағына барып, құттықтап, сый-құрмет көрсетті. 1943 жылы Можайск маңындағы соғысқа пулеметші болып қатысып, 36 әскери бөлімінің «Зенит» бригадасында қызмет еткен, онда радистер бөлімінің командирі болған 100 жастағы Нина Егоровна партияластарға ризашылығын білдіріп, елдің амандығын тіледі.
— «AMANAT» партиясының «Ардагерлерді ардақтайық» жобасы аясында ардагерлер мен қарияларға тұрақты түрде құрмет көрсетіліп, іс-шаралар ұйымдастырылып келеді. Бiздiң парызымыз – осы күндi еске сақтап, санаулы ғана қалған ардагерлерімізге лайықты құрмет көрсету деп білемін. Ерлік ешқашан ұмытылмайды, — деді Ж.Бектаева.
Өскелең ұрпақты Отанға деген сүйіспеншілік пен Отанға адалдық, мемлекеттің заңға бағынатын азаматтары рухында патриоттық тәрбие беру мәселелері адамзат дамуының бүкіл тарихында ғалымдардың үнемі назарында болды.
Қазіргі уақытта Қазақстанда патриотизм қоғамдық өмірдің маңызды құрамдас бөлігі болып қала береді. Мемлекеттік органдар, оқу орындары, бұқаралық ақпарат құралдары және басқа да мекемелер халық арасында патриоттық құндылықтарды қалыптастыру және нығайту бойынша белсенді жұмыс жүргізуде.
Асыл діңгегіміз саналатын қарияларымызды әрқашан ардақтап, қастерлеу, олардың өнегелі істерін насихаттауды жас ұрпақ санасына сіңіру – баршамызға ортақ міндет.
