Отырар ауданы, Көксарай ауылы округі аппараты мәжіліс залында сыбайлас жемқорлықтың алдын алу және оның қоғамға тигізетін зардабын түсіндіру мақсатында «Сыбайлас жемқорлық – қоғамға жат дерт» атты кеңейтілген кездесу өткізілді. Іс-шараға округ әкімдігі қызметкерлері, ауылдық бөлімше басшылары, мекеме меңгерушілері, мемлекеттік қызметшілер және жергілікті тұрғындар қатысты.
Кездесудің негізгі мақсаты – «сыбайлас жемқорлық» ұғымын нақты түсіндіру, оның пайда болу жағдайлары мен қоғамға тигізетін теріс салдары жөнінде қатысушыларға жан-жақты ақпарат беру, сондай-ақ сыбайлас жемқорлыққа қарсы мәдениетті қалыптастыру, азаматтардың өз ойларын еркін жеткізу қабілетін дамыту және мемлекеттік істерге жауапкершілікпен қарау дағдыларын қалыптастыру болды.
Шара барысында ауыл әкімі Әлімжан Қалмұратұлы сөз алып, сыбайлас жемқорлықтың қоғам дамуына кері әсерін, экономикалық және әлеуметтік салдарын жан-жақты түсіндірді. Ол өз баяндамасында бұл құбылыстың тек мемлекеттік қызмет саласында ғана емес, қоғамның барлық деңгейінде зиян келтіретінін, халықтың құқықтары шектеліп, мемлекеттік қызметке сенімнің төмендейтінін, экономикалық дамудың баяулайтынын атап өтті. Ауыл әкімі сондай-ақ, сыбайлас жемқорлыққа қарсы күрес тек заң аясында ғана емес, әр азаматтың өз әрекетінде де көрінуі керектігін түсіндірді.
Баяндамадан кейін кездесуге қатысушылар өз ойларын ортаға салып, жемқорлыққа қарсы күрестегі жеке және қоғамдық іс-қимыл жолдары бойынша пікір алмасты. Көптеген қатысушылар өз тәжірибелерін бөлісіп, сыбайлас жемқорлыққа жол бермеу үшін әрбір адамның жеке жауапкершілігі маңызды екенін атап өтті. Сонымен қатар, мемлекеттік қызметшілердің қызметтік міндеттерін адал орындауы, азаматтармен ашық қарым-қатынас орнатуы және қоғам алдындағы жауапкершілікті сезінуі қажеттігі айтылды.
Кездесу барысында қатысушыларға сыбайлас жемқорлыққа қарсы іс-қимыл туралы ақпараттық буклеттер таратылды. Бұл материалдарда құқықтық нормалар, мемлекеттік қызметшілер мен азаматтардың міндеттері мен құқықтары, сондай-ақ жемқорлықтың алдын алу жолдары мен әдістері түсінікті түрде баяндалған. Қатысушылар буклеттерді оқу арқылы заңнамалық тұрғыдан өз білімдерін толықтыруға мүмкіндік алды.
Шараның қорытындысында ауыл әкімі қатысушыларға сөз сөйлеп, әр азамат сыбайлас жемқорлыққа қарсы мәдениетті қалыптастыруда белсенді болуға, қоғамдық бақылауды күшейтуге, мемлекеттік қызмет саласында әділдік пен ашықтықты сақтауға атсалысуға шақырды. Сонымен қатар, кездесудің маңызы – қоғамдағы жемқорлыққа қарсы пікір қалыптастыруға, қызметкерлер мен тұрғындар арасында адалдық пен әділдік қағидаларын насихаттауға бағытталған маңызды қадам болып табылатыны айтылды.
Осылайша, Отырар ауданы, Көксарай ауылында өткен «Сыбайлас жемқорлық – қоғамға жат дерт» кездесуі – мемлекеттік қызметшілердің құқықтық мәдениетін арттыруға, сыбайлас жемқорлыққа қарсы тұрақты күресті насихаттауға арналған жүйелі жұмыстардың бірі болып саналады. Алдағы уақытта да аудан көлемінде осындай ақпараттық-түсіндіру іс-шаралары тұрақты түрде өткізіліп, қоғамдағы сыбайлас жемқорлыққа қарсы мәдениет нығайтылатын болады.