«Шымкент қаласы білім, спорт және бюджеттік мекеме қызметкерлерінің жергілікті кәсіптік одағы» қоғамдық бірлестігі 2016 жылдан бастап жұмыс атқарады.
Аталған кәсіподақтың құрамында білім басқармасына қарасты мемлекеттік жалпы орта білім беретін мектеп, мектепке дейінгі мекеме, спорт мектептері, жекеменшік мектептер мен балабақшалар, мектептен тыс мекемелер және колледж бар. Барлығы 143 мекеме болса, оның ішінде 18 мыңнан аса кәсіподақ мүшесі бар. Аталған мекемелермен ұш жақтама келісімге қойылып ай сайын кәсіподақ жарнасы уақтылы аударылып отырады. Кәсіподақ жарнаның 85% бастауыш кәсіподақ ұйымы өздерінің кәсіподақ жиналысының шешімімен тиісті іс-шараларға (шипажайға жолдама, мерекеік шаралар, демалыс орындарына ұжыммен бару,Самарқанд, Ташкент қалаларына,тарихи орындарға экскурсия жасау, қиын жағдайларға душар болған кәсіподақ мүшелеріне қайырымдылық көрсету және т.б мақсатты жұмсап отырады.
«Шымкент қаласы білім, спорт және бюджеттік мекеме қызметкерлерінің жергілікті кәсіптік одағы» қоғамдық бірлестігі мен білім басқармасы арасындағы әлеуметтік-әріптестік жұмыстар бойынша 2022-2024 жылдарға арналған өңірлік келісімге қол қойылды.
Өңірлік келісімнің орындалу бойынша іс-шара жоспары бекітілген. Бекітілген жоспарға сәйкес біздер тарапымыздан тиісті жұмыстар атқарылды.
Білім саласының қызметкерлерімен, яғни бастауыш кәсіподақ төрағаларымен нормативті құқықтық актілер бойынша бастауыш кәсіподақ төрағаларымен оқыту-семинарлар жүргізілді.
Оларға арнайы әдістемелік көмек ретінде күнделікті жұмыс барысында пайдалану үшін нормативттік құжаттар тізбесі дайындалып мекеменің электронды пошталарына жолданды.
Білім қызметкерлері арасында түрлі спорт ойындарынан жылда спартакиада өткізіледі. Ағымдағы жылы жалпы орта білім беретін мектептерде жұмыс істейтін қызметкерлер арасында волейболдан, баскетболдан, стол тенисінен және мектепке дейінгі мекемелердің қызметкерлері арасында волейболдан жолдастық кездесулер өткізілді.
Барлық қатысушыларға «Алғыс хаттар» және жеңімпаздарға қаржылай сыйақы (қаржы көрсетілген сертификаттар) және бағалы сыйлықтар (статуетка, кубоктар) табысталды.