Ағымдағы жылдың 1-маусымынан бастап 31-қазанға дейін қаламызда республикалық деңгейдегі «ҚАРАСОРА-2024» арнайы жедел-профилактикалық іс-шарасы өткізілуде.
Нашақорлық-бұл есірткіге деген ауырсынумен сипатталатын жағдай. Бүгінгі таңда мұндай құралдарға 200-ден астам атау кіреді, олардың ішінде апиын, гашиш, кокаин, дезоморфин. Нашақорлыққа тәуелділік психикалық бұзылумен, ал кейбір науқастарда соматикалық көріністермен бірге жүреді.
Іс-шара басталған уақыттан бүгінге дейін полиция қызметкерлерімен өңірімізде есірткінің, психотроптық заттар мен сол тектестердің заңсыз айналымымен байланысты жалпы 132 қылмыстық құқық бұзушылық тіркелді. Оның 46-ы қылмыс және 86-ы қылмыстық теріс қылық.
Соның ішінде, іс-шараның негізгі бағыты болып табылатын құрамында есiрткi заттар бар, өсiруге тыйым салынған өсiмдiктердi заңсыз егіп-өсіру бойынша жалпы 23 дерек анықталды.
Мәселен, Тұран ауданында полиция қызметкерлерімен тексеру жұмыстарын жүргізу барысында, өз үйінде 7 түп «сора» өсімдігін баптап өсірген 61 жастағы жергілікті тұрғын ұсталды. Тәркіленген есірткі өсімдіктердің жалпы салмағы 2 келіден асады.
Сол секілді, Әл-Фараби ауданының 55 жастағы тұрғыны өз пәтерінде 3 гүл егетін шелекке 14 түп «сора» есірткі өсімдігінің өсінділерін егіп, күтіп баптаған. Қазіргі таңда олар бойынша сотқа дейінгі тергеп-тексеру жұмыстары жүргізілуде.
Бүгінде шымкенттік полицейлер жоспарға сәйкес қаладағы барлық тұрғын үйлер мен аулаларда қарау жұмыстарын жүргізуде. Іс-шараның барысы департамент басшылығының бақылауға алынған.
Салауатты өмір салтын насихаттайтын адамдар, көбінесе спортшылар, жас ұрпақты спортпен және салауатты өмір салтымен таныстыруға тырысады. Сонымен қатар, олар есірткіге қарсы қорларға көп қаражат бөледі.
