«AMANAT» партиясы Еңбекші аудандық филиалы жанындағы Партиялық мониторинг тобының мүшелері, партия белсенділері аудандағы әлеуметтік маңызы бар азық-түлік өнімдеріне, дәрі-дәрмектердің жекелеген түрлері меy бағаларына мониторинг жұмыстарын жасады.
Аталмыш жұмыстар аясында аудан аумағындағы дүкендерде болып азық-түлік бағаларына зерделеу жасалды. Азық-түлік бағалары бекітілген бағаларға сай. Кәсіп иесіне сала мамандары тарапынан бағаны негізсіз қымбаттатпау қажеттілігі айтылды.
Партияның аудандық филиалының жанындағы Паптиялық бақылау комиссиясы мүшелері мен Мемлекеттік басқаруды дамыту және сыбайлас жемқорлыққа қарсы іс-қимыл жөніндегі Қоғамдық кеңес мүшелерінен құрылған мониторингтік топ мүшелері сауда орындарындағы тұтынушыларымен пікірлесіп, алдағы уақытта аудан аумағындағы сауда орындарымен базарларындағы тауарлардың бағасына тұрақты зерделеу және талдау жұмыстары тұрақты жүргізіліп тұратынын жеткізді.
Сонымен қатар, мониторинг жұмыстары барысында аудандағы «Азия Фарм» дәріханасындағы дәрі бағаларына мониторинг жасалды. Баға шекті бағадан аспаған.
Зерделеу барасында арнайы құралған жұмысшы топ өкілдері аталған нысандарды бейімдеу бойынша түсіндіру жұмыстары жүргізілді. Сонымен қатар аудан бойынша ерекше қажеттіліктері бар тұлғаларға арналған әлеуметтік инфрақұрылым объектілеріне мониторинг жүргізуді қоса алғанда, ерекше қажеттіліктері бар адамдар үшін инфрақұрылымды жақсарту тиісті бойынша ұсыныстар берілді.
Орналасқан кәсіпкерлік нысандарға жүргізілген мониторинг барысында ірі және шағын мейрамханалар, дәріханалар мен азық-түлік маркеттері, сауда үйлері аумақтарының басым бөлігінде толығымен келушілерге қолайлы жағдай жасалып, абаттандыру мен көгалдандыру жұмыстары жүргізілгендігі анықталды.
Сондай-ақ, кемшіліктер орын алған кәсіпкерлік нысан иелеріне ескерту беріліп, алдағы уақытта нысан ауласын қала аумағын абаттандыру қағидаларының негізгі талаптарына сай жүйелеп, абаттандыру жұмыстарын жандандыру жүктелді.