Шымкентте балаларды қорғау күні аясында «Қазақстандық салалық теміржол, автокөлік, әуе және су көлігі қызметкерлерінің кәсіби одағы» қоғамдық бірлестігінің «Әскерилендірілген темір жол күзеті» жауапкершілігі шектеулі серіктестігі Түркістан филиалының бастауыш кәсіподақ ұйымының ұйымдастыруымен балаларға арналған мерекелік іс-шара өтті. Салтанатты жиында темір жол күзеті Түркістан филиалының директоры Данияр Исаев балаларға мерекелік құттықтау тiлегін жеткізді. Мереке көрігін аниматорлар қызықтырып, балалар түрлі спорттық және өнер сайысына түсiп, қызықты ойындар ойнады. Мұнан соң бүлдіршіндермен сурет салу байқауы ұйымдастырылды. Балғындар салған суреттерін әңгімелеп берді. Мерекелік іс-шарада сайқымазақ, аю,қоян мен түлкі т.б кейіпкерлер барлық балаларға тәттілер таратты. Жиын соңында білімімен дараланғандар балалар мекеме басшысының Алғыс хатымен марапатталып, түрлі сыйлықтарға ие болды. Ал ата-аналары ұйымдастырушыларға алғысын білдіріп жатты.
Дүниежүзілік балаларды қорғау күні – бұл тек көңілді мереке ғана емес, ол қоғамға баланың құқықтарын қорғау қажеттілігін еске салу болып табылады. Әр баланың дені сау болып, ата-анасының қамқорлығында болса екен дейміз. Аспандарыңыз әрқашан ашық, әрбір жаңа күн мейірімді және қызықты болсын!