Шымкент қалалық Қазақстан халқы ассамблеясы жанынан құрылған ақпараттық-насихаттық топ құрамы өзектендіріліп, тізімге Қазақстан халқы ассамблеясы жанындағы ғылыми – сарапшылық топ мүшелері, кәсіби медиаторлар, этномәдени бірлестіктердің төрағалары, ақсақалдар кеңесінің мүшелері, қоғамдық ұйымдардың өкілдері енгізілген.
Топ құрамы 14 адамнан жасақталған. Оның ішінде: этномәдени бірлестіктерінің төрағалары мен мүшелері — 7 адам, ғалымдар — 1 адам, азаматтық ұйымдар — 1 адам, дін өкілдері — 1 адам, қоғамдық пікір көшбасшылары — 1 адам, мемлекеттік мекемелер қызметкерлері — 3 адам.
Шымкент қаласы аумағындағы 81 елді мекенде ақпараттық-насихаттық түсіндіру жұмыстарын жүргізу бойынша қала басшылығымен арнайы кесте
бекітілген. Алғашқы жартыжылдықта кестеге сәйкес 45 тұрғын алаптарда кездесу өтіп, оларға 5000-нан аса адам қамтылды.
Шымкент қаласы аумағындағы этнос өкілдері тығыз шоғырланған 23 тұрғын алаптарда этноконфессиялық төзімділік мәселелері бойынша және этносаралық негіздегі қақтығыстарды болдырмау, азаматтардың толерантты санасының қалыптасуына, әлеуметтік шиеленістің төмендеуіне ықпал ету
мақсатында Абдулабад, Базарқақпа, Бозарық, Қатынкөпір, Маятас, Жыланбұған, Ынтымақ, Көркем, Химфарм, Тоғыс, Мирас тұрғын алаптарының тұрғындары арасында ақпараттық-насихаттық жұмыстары жүргізілді.
Бұдан бөлек, бұқаралық ақпарат құралдарында, әлеуметтік желілерде жалпыұлттық бірлік пен қоғамдық келісімді нығайту бағытында түсіндірме жұмыстарын жүргізетін 14 адамнан құралған спикерлер пулы жасақталып, олар тұрғындар арасындағы кездесулерге қатысып, ол жөнінде бұқаралық ақпарат құралдарында, әлеуметтік желілерде жариялануда.
Шымкент қалалық ішкі саясат және жастар істері жөніндегі басқармасы басшылығы тарапынан қала аумағындағы 8 жоғары және 20 орта арнаулы оқу орындары арасында арнайы кесте бекітіліп, мемлекеттік этносаясатты, жалпыұлттық бірлік пен коғамдық келісімді насихаттау, кемсітушіліктің алдын алу мақсатында кездесулер ұйымдастырылды. Бүгінгі танда бұл бағыттағы кездесулерге 7000-ға жуық студент жастар қатысты.
