Алдын алу:
Мемлекет Денсаулық сақтау және әлеуметтік даму министрлігінің басшылығымен адамдарды заңсыз экспорттау, импорттау және айналымға қарсы күрес жөніндегі Ведомствоаралық комиссия шеңберінде алдын алу шараларын қабылдады. Есеп беру кезеңінде Үкімет 2017-2021 жылдарға арналған көші-қон саясаты тұжырымдамасын және тиісті іс-қимыл жоспарын қабылдады. Бұл саясат ішкі және сыртқы көші-қон проблемаларын шешуге, атап айтқанда, Қазақстанның тағайындалған ел ретінде мәртебе алуына
бағытталған. Мемлекет 2015-2017 жылдарға арналған ұлттық іс-қимыл жоспарының орындалуын аяқтады, ол адам саудасы саласындағы заңнаманы жетілдіру, адам саудасы туралы істерді тергеу және қадағалау, зардап шеккен адамдарды анықтап, оларға көмек көрсету, халықаралық және үкіметтік емес ұйымдармен өзара іс-қимыл жасау, сондай-ақ, халықты ақпараттандыруға арналған шараларды қамтиды. Үкімет 2018-2020 жылдарға арналған адам саудасына қарсы тұрудың ұлттық жоспарын әзірледі, бірақ есептік кезеңде ресми түрде қабылдаған жоқ. Мемлекет адам саудасы құрбандарының арасында адам саудасына қарсы күрес бойынша ақпараттық-білім беру жұмыстарын қаржыландыруды жалғастырды, оның ішінде балаларға қарсы
қылмыс та бар. Ақпарат және байланыс министрлігі радио және теледидар бағдарламаларын қаржыландырды, сондай-ақ, халықты ақпараттандыру арқылы адам саудасына жол бермеуге бағытталған газеттер мен интернетбасылымдардағы мақалаларды жариялады. 2017 жылдың шілдесінде ІІМ адам саудасына қарсы халықаралық күрес күніне орай екінші ақпараттық науқан өткізді. Акция барысында полиция қызметкерлері телевизиялық және радиобағдарламаларға қатысып, ауруханаларда, туристік кеңселерде,
құрылыс компаниялары кеңселерінде презентациялар өткізді, адам саудасы туралы халықты хабардар ету мақсатында спорттық іс-шараларды өткізу кезінде флешмобтар ұйымдастырды. Ішкі істер министрлігі сондай-ақ парктерде, сауда орталықтарында, теміржол вокзалдарында, әуежайларда, қонақ үйлерде және базарларда, соның ішінде адам саудасымен күресудің ұлттық байланыс нөмірі мен ақпараттарды таратты. 2017 жылы сенім телефонына 1325-тен астам қоңырау келіп түсті, бұл адам саудасының 13
жағдайын тергеуге әкелді. 2017 жылы Денсаулық сақтау және әлеуметтік даму министрлігінің еңбек инспекторлары еңбек заңнамасының бұзылуын анықтау үшін 8 393 тексеріс жүргізді, бұл шетелдік жұмыс күшін тарту және шетелдік жұмыс күшін жұмылдыру ережелерін бұзғаны үшін 2,335 кадр мекемелері мен жұмыс берушілерге әкімшілік айыппұл салуға әкелді және Ішкі істер министрлігі 158 қылмыстық іс қозғады. ҮЕҰ профилактикалық жобалар үшін, оның ішінде халықты ақпараттандыру науқаны үшін 10,5 млн. теңге (31690 АҚШ доллары) көлемінде мемлекеттік қаржыландыру алғаны туралы хабарлаған. Мемлекет коммерциялық секске немесе мәжбүрлі еңбекке сұранысты төмендету жөнінде шаралар қолданған жоқ. Мемлекет дипломатиялық қызметкерлеріне адам саудасына қарсы күрес бойынша оқыту жүргізген жоқ.
